الاحد, 06 اغسطس, 2006
يا جنة الرحمن بحبك يا لبنان يا قصة حب قديمه وعلى طول الزمان
ولادك عمروكي بإيديهم زينوكي بقدرة القادر سبحانه الرحمن
لبنان يا لبنان يا زهرة البستان من كل شئ الوان قبل الزمان بزمان
عايشين نغنيلك م القلب ندعيلك يجعل طريقك نور وتعيشي يا لبنان
***********
ضربوكي الخونه ليه علشان ما انتى الأميره
بكره الأيام تاخدلك بتار صبرا وشتيلا
عايزين من قانا ايه اطفال مالهومش زمب
بنت وولد شيخه وشيخ دا حرام عليكوا كفايه بئه
************
اخواتك العرب شايفين وساكتين ليه
لما تضيع البلد حيكون جوابهم ايه
إيدنا في إيد بعضنا ونحرر أرضنا
من ارهاب بيحاصرنا وعدو من نفسنا
يا جنة الرحمن بحبك يا لبنان يا قصة حب قديمه وعلى طول الزمان
ولادك عمروكي بإيديهم زينوكي وكلاب هجموا عليكي ودا آخر الزمان
ودا آخر الزمان ودا آخر الزمان
<<الصفحة الرئيسية
